“Xiaomi” telefonlarda CPU və GPU tənzimləməsi gəlir – tam nəzarət sizin olacaq

“Xiaomi” yeni funksiyanı test edir – artıq CPU və GPU-nu siz tənzimləyə biləcəksiniz

“Android Headlines”-a istinadən “Mediahub.az” xəbər verir ki, “Xiaomi” “Chip Performance Dashboard” adlı yeni xüsusiyyət üzərində işləyir. Bu panel istifadəçilərə telefonun CPU və GPU tezliyini əl ilə tənzimləməyə imkan verəcək.

Əldə olunan məlumatlara görə, bu funksional Android 16-nın ilkin quruluşunda aşkarlanıb və gələcəkdə flaqman modellərdə təqdim oluna bilər. İstifadəçi istəsə, performansı artırmaq üçün overclock, ya da batareya ömrünü uzatmaq üçün underclock edə biləcək.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Funksiya daha çox oyun həvəskarları və yüksək performansa ehtiyac duyan istifadəçilər üçün nəzərdə tutulub. Tənzimləmələr həm CPU, həm də GPU nüvələrinə ayrıca tətbiq edilə biləcək.

Eyni zamanda təhlükəsizlik tədbirləri də nəzərdə tutulub: əgər parametrlər cihazın sabitliyini pozarsa, sistem avtomatik olaraq default rejimə qayıdacaq. “Başlanğıc yoxlaması uğurla keçdi” və “Cihazın normal işləməsi üçün əvvəlki parametrlər bərpa edildi” kimi sistem mesajları bunu təsdiqləyir.

Hazırda bu panel inkişaf mərhələsindədir və funksiyanın rəsmi buraxılışda olub-olmayacağı hələ dəqiqləşməyib. Ancaq bu addım “Xiaomi” cihazlarının masaüstü kompüterlərə daha çox bənzəməsi baxımından mühüm yenilik sayılır.