Təyyarə qəzası ilə bağlı cinayət işi Rusiya İstintaq Komitəsinin mərkəzi aparatına tapşırılıb
Aktau yaxınlığında baş vermiş təyyarə qəzası ilə bağlı cinayət işi Rusiya İstintaq Komitəsinin mərkəzi aparatına tapşırılıb. Qəzanın təfərrüatları araşdırılır.
Report.az-a istinadən Mediahub.az xəbər saytı məlumat verir ki,
Qazaxıstanın Aktau şəhəri yaxınlığında baş vermiş təyyarə qəzası ilə bağlı cinayət işi Rusiya İstintaq Komitəsinin (İK) mərkəzi aparatına tapşırılıb.
Maraqlı Xəbərlər
2025-ci il üçün Böyük Qazanc vəd edən 4 Kriptovalyuta
2025-ci ilə böyük gəlir vəd edən kriptovalyutalar: Solana (SOL), Polygon (MATIC), Fantom (FTM) və BlockDAG (BDAG). Onların unikal üstünlüklərini araşdırın.
Sahibkarların Üzləşdiyi 5 Əsas Qorxu və Onları Necə Dəf Etmək Olar?
Sahibkarlıq yolunda 5 əsas qorxu ilə necə mübarizə aparmaq olar? Uğura gedən yolda maneələri fürsətə çevirmək üçün effektiv strategiyalar Mediahub.az-da.
Samsung Təqdim Edir: Galaxy M16 5G və F16 5G Ucuz Model Telefonları
Samsung, MediaTek Dimensity 6300 seriyalı çiplərlə təchiz olunmuş Galaxy M16 5G və F16 5G telefonlarını təqdim edəcək. Hər iki model 50 MP əsas kamera və 5000 mAh batareya ilə gələcək.
“Report” xəbər verir ki, bu barədə TASS-a qurumdan bildirilib.
“Rusiya Federasiyası Cinayət Məcəlləsinin 263-cü maddəsi (hərəkət təhlükəsizliyi və hava nəqliyyatının istismarı qaydalarını pozma) ilə Qərb Regionlararası Nəqliyyat İstintaq İdarəsi tərəfindən başlanmış cinayət işi hərtərəfli araşdırılması üçün Rusiya İstintaq Komitəsinin Baş İstintaq İdarəsinə verilib”, - qurumdan bildirilib.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb. Qəzadan sonra xəstəxanaya 27 şəxs daxil olub. Onlardan 15 nəfər Azərbaycan Respublikasının, 8 nəfər Rusiya Federasiyasının, 3 nəfər Qırğızıstan Respublikasının vətəndaşıdır. Bir nəfərin şəxsiyyəti hələlik müəyyən edilməyib.
Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb. Dekabrın 26-da Azərbaycana 14 yaralı və 4 nəfərin meyiti gətirilib.
Qeyd edək ki, hadisədən sonra dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.
Eyni zamanda Prezident İlham Əliyev dekabrın 26-nın Azərbaycanda matəm günü elan olunması barədə sərəncam imzalayıb.
Bu xəbəri necə dəyərləndirirsiniz?
