Rusiya bazarında “Solaris” yüksəlişdədir – martda markanın payı 2%-ə çatdı

“Solaris” avtomobillərinin istehsalı sürətlənir – marka Rusiyada top-10-a daxil oldu

“Za Rulyom”-a istinadən “Mediahub.az” xəbər verir ki, 2025-ci ilin ilk rübündə Sankt-Peterburqda yerləşən “AGR Avtomobil Zavodu” 8700 ədəd “Solaris” markalı avtomobil istehsal edib. Bu müddətdə 5400 maşın satılıb, 4013 ədəd isə qeydiyyata alınıb.

“AGR Holdinq”in baş direktoru Aleksey Kalitsevin sözlərinə görə, bu göstəricilər Rusiyada ümumi bazar daralmasına baxmayaraq “çox layiqli” nəticələr sayılır. Mart ayının yekunlarına əsasən, “Solaris” markası Rusiya bazarının 2%-ni təşkil edərək top-10 brend siyahısına daxil olub.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Bu barədə daha əvvəl “AvtoStat” analitik agentliyi də məlumat yaymışdı. Şirkət “Solaris”in bazar mövqeyini gücləndirdiyini və satış planlarının reallaşdığını bildirir.

Xatırladaq ki, əvvəllər “Hyundai”yə məxsus olan Sankt-Peterburq zavodu 2024-cü ildə “Art-Finans” tərəfindən alınıb və “AGR Avtomobil Zavodu” adlandırılıb. Hazırda burada “Solaris” brendi altında əvvəlki “Hyundai” və “Kia” modelləri – HC (Creta), KRS (Rio), KRX (Rio X) və HS (Solaris) istehsal olunur.

Avtomobillər tam montaj rejimində, əvvəlcədən gətirilmiş komponentlərdən yığılır. Bəs bu temp davam edəcəkmi? Bunu qarşıdakı ayların statistikası göstərəcək.