“Roblox”da yeni valideyn funksiyaları – dostları və oyunları bloklamaq mümkün olacaq

“Roblox” valideyn nəzarətini gücləndirdi – oyunlar və dost siyahısı bloklana biləcək

“TechCrunch”-a istinadən “Mediahub.az” xəbər verir ki, “Roblox” platforması uşaqlar üçün təhlükəsizliyi artırmaq məqsədilə üç yeni valideyn nəzarət funksiyası tətbiq edib.

Yeniliklərə əsasən, valideynlər artıq övladlarının dost siyahısındakı insanları bloklaya, müəyyən oyun təcrübələrinə girişə qadağa qoya və uşağın ən çox vaxt keçirdiyi oyunları görə biləcəklər.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Bu funksiyaları aktivləşdirmək üçün valideynlər öz hesablarını uşağın hesabı ilə əlaqələndirməli və şəxsiyyət vəsiqəsi və ya bank kartı ilə identifikasiya keçməlidirlər. Nəzarət “Parental Controls” bölməsində aparılır.

Əvvəllər yalnız dost siyahısına baxmaq mümkün idisə, indi zərərli hesab edilən şəxsləri tamamilə bloklamaq və mesaj yazmalarının qarşısını almaq olar. 13 yaşdan kiçik uşaqlar bu bloklamanı özləri ləğv edə bilməzlər – yalnız valideyn icazəsi ilə mümkündür.

Valideynlər həftə ərzində uşaqların ən çox vaxt keçirdiyi 20 oyunu görə biləcək və bu məlumat əsasında yeni qərarlar verə biləcəklər. Bundan əlavə, artıq ekran vaxtına da limit qoymaq mümkündür.

“Roblox” son illərdə uşaqlar üçün yetərli təhlükəsizlik təmin etmədiyinə görə tənqid olunurdu. Bu yeni funksiyalar valideynlərə daha güclü nəzarət imkanı təqdim edir.