ABŞ hökumətinin “Starlink”i – “SpaceX” 430-cu raket enişini uğurla tamamladı

“SpaceX” 400-cü dəfə “Falcon 9” raketini yenidən işə saldı – “Starshield” peykləri buraxıldı

“iXBT.com”-un məlumatına görə, “SpaceX” ABŞ Milli Kəşfiyyat İdarəsinin (NRO) sifarişi ilə “Starshield” peyklərini uğurla orbitə çıxarıb. Bu, təkrar istifadə olunan “Falcon 9” raketinin 400-cü buraxılışı, eyni zamanda 430-cu uğurlu enişi olub.

NROL-192 adlandırılan missiyada istifadə olunan B1071 raket modulu artıq 24-cü dəfə uçuşa cəlb olunub. O, daha əvvəl NRO, “Starlink” və kommersiya missiyaları üçün də istifadə edilib. Buraxılışdan 8 dəqiqə sonra modul “Of Course I Still Love You” adlı pilotsuz gəmi üzərinə uğurla enib.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Yeni peyklər “Starlink”in hökumətə uyğunlaşdırılmış versiyası olan “Starshield” proqramının tərkib hissəsidir. NRO rəhbəri Kris Skolese bildirib ki, bu peyk qrupu müşahidə tezliyini artırır, məlumat ötürülməsini saniyələrə endirir və təhlükəsizlik səviyyəsini yüksəldir.

“Əsas məqsəd – düşmənin məlumat gizlətməsini çətinləşdirmək və eyni zamanda, lazım gəldikdə operativ şəkildə zərbə endirmə imkanlarını gücləndirməkdir” – deyə Skolese vurğulayıb.

Son 8 missiyada “SpaceX” NRO üçün artıq 150-dən çox peyk buraxıb. Bu əməkdaşlıq ABŞ-ın milli təhlükəsizliyində kosmos texnologiyalarının artan rolunu bir daha təsdiqləyir.